Ղեկավարություն

Արամ Աշուղյան

3A Partners հաշվապահական ընկերությանՀիմնադիր-տնօրեն

Արամ Աշուղյանը իր մասնագիտական կրթությունը սկսել է 1989 թ. Երևանի ժողովրդական տնտեսության ինստիտուտում, այնուհետև ուսումը շարունակել է Երևանի տնտեսագիտական հետազոտությունների գիտահետազոտական ինստիտուտի ասպիրանտուրայում և 1997թ. ստացել տնտեսագիտության թեկնածուի գիտական կոչում։

1995թ. Ա. Աշուղյանը հանձնել է ՀՀ ֆինանսների նախարարության որակավորման քննությունը և ստացել արժեթղթերի շուկայում գործառնություններ իրականացնելու իրավունք: 1999-ին վերահանձնել է որակավորման քննությունը, իսկ 2004-ին կրկին վերահանձնելով` ստացել է անժամկետ թույլտվություն:
1995թ. ճգնաժամային էկոնոմիկայի պայմաններում ֆյուչերային գործարքների ֆոնդային շուկայում ստացել է կանոնակարգված շուկայում ֆյուչերային գործարքներ իրականացնելու իրավունք:
2004թ. հանձնելով ՀՀ կենտրոնական բանկի որակավորման քննությունը` ստացել է արտարժույթով դիլերային գործարքներ իրականացնելու անժամկետ թույլտվություն:

Իր աշխատանքային գործունեությունը սկսել է 1988 թվականից՝ որպես տնտեսագետ («Սերվիս» ՍՊԸ), այնուհետև զբաղեցրել է հետևյալ պաշտոնները՝ ակտիվ-պասիվների կառավարման վարչության գլխավոր կառավարիչ («Հայխնայբանկ» պետական ՓԲԸ), գլխավոր հաշվապահ («Կլասիկ-1» ՍՊԸ), դիլինգային բաժնի պետ («Միավորված բանկ» ԲԲԸ), փոխտնօրեն ֆինանսների գծով («Կույումջյան Թրեյդինգ Ընդ Քոնթրաքթինգ» ՓԲԸ), ֆինանսական տնօրեն («Տոնտոն» ինվեստիցիոն ՍՊԸ), փոխտնօրեն ֆինանսների գծով և գլխավոր հաշվապահ («Փրինթինֆո» հայ-գերմանական համատեղ ձեռնարկություն):

Ա. Աշուղյանը մասնակցել է մի շարք դասընթացների՝ ստանալով համապատասխան որակավորումներ.

1997թ. Ակրեդիտիվներ և ֆինանսական առևտուր
1996թ. Մուտք դեպի միջազգային ֆինանսական շուկաներ
1996թ. ՀՀ արտաքին տնտեսական կապերի զարգացման քաղաքականությունը
1996թ. Ինվեստիցիոն քաղաքականությունը ՀՀ-ում
1996թ. Ինվեստիցիոն հիմնադրամների կառավարիչներ:

Այժմ Ա. Աշուղյանը 3A Partners ընկերության հիմնադիր տնօրենն է (իրավաբանական անունը՝ «Ա. Աշուղյանի հաշվապահական հաշվառման գրասենյակ» ՍՊԸ)։

Ամուսնացած է, ունի երկու որդի։